​​ស្ថាបនិក​ក្រុមហ៊ុន Facebook លោក Mark Zuckerberg បាន​សម្រេចចិត្តថា និង​បរិច្ចាគ​ភាគហ៊ុន​របស់គាត់​ក្នុង​ក្រុមហ៊ុន Facebook ចំនួន ៩៩​ភាគរយ ដែលមាន​តម្លៃ​ប្រហែល ៤៥​ពាន់​លាន​ដុល្លារ​អាមេរិក ជូន​ដល់​មូលនិធិ​សប្បុរសធម៌ ដែល​ផ្តោតលើ ការជំរុញ​សក្តានុពល​របស់​មនុស្ស និង​លើក​តំ​កើន​សមភាព​។​

​លោក Mark Zuckerberg នឹង​ភរិយា Priscilla Chan បាន​បរិច្ចាគ​ទ្រព្យ​នេះ ឲ្យ​អង្គការ​ថ្មី​មួយ ឈ្មោះថា Chan Zuckerberg Initiative ដែលជា​គំនិត​ផ្តួចផ្តើម​របស់​ពួកគាត់ ហើយក៏​ដើម្បី អបអរសាទរ​ដល់​កំ​ណើ​តរបស់​កូនស្រី​គាត់​ឈ្មោះ Maxima ផងដែរ​។​

​អង្គការ​ថ្មី​មួយ​នេះ នឹង​ផ្តោត​សំខាន់​ទៅលើ លើក​តំ​កើន​ថាមពល​បរិសុទ្ធ ការសិក្សា​បែប​ស្វ័យ​សិក្សា ព្យាបាល​ជម្ងឺ ភ្ជាប់​ទំនាក់ទំនង​មនុស្ស ពង្រឹង​សហគមន៍​ដ៏​រឹងមាំ​មួយ កាត់បន្ថយ​ភាពក្រីក្រ ផ្តល់​សិទ្ធិ​ស្មើគ្នា និង​ពង្រីក​ការយល់ដឹង​ទូទាំង​សកល​។​

​ក្រោយ​ការបរិច្ចាគ​ភាគហ៊ុន​នេះ លោក Mark Zuckerberg នៅតែមាន​សិទ្ធិ ក្នុងការ​គ្រប់គ្រង ក្រុមហ៊ុន Facebook ដដែល ដោយ​លោក​នៅ​កាន់ អំណាច​បោះឆ្នោត ៥៤​ភាគរយ​ក្នុង​ភាគហ៊ុន​សរុប​របស់​ក្រុមហ៊ុន​។​

​ជា​ចុងក្រោយ លោក Mark Zuckerberg បង្ហើប​ថា លោក​នឹង​នៅតែ​ធ្វើជា នាយក​ប្រតិបត្តិ​ក្រុមហ៊ុន Facebook ជាច្រើន​ឆ្នាំ​ទៅមុខទៀត តាមតែ​អាចទៅរួច​៕

​ប្រភព​៖ businesscambodia

​